Sida ay qorayaan Qaar ka mid ah Warbaahinta dalka Kenya Al-Shabaab ayaa weerar ku qaaday degaano Hoos yimaada degmada Wajeer ee gobolka Waqooyi Bari ee dalka Kenya.
Inta la xaqiijiyay 2 qof ayaa ku dhimatay Weerar ay Al-Shabaab ay ku qaadeen degaanka Tarbaja oo ku dhow Degmada Wajeer.
Taliyaha Ciidanka ee degaanka Tarbaja ayaa warbaahinta u sheegay in weerar gaadmo ah Al-Shabaab ay kusoo qaadeen degaanka ,islamarkaana ay labo qof ay toogasho ku dileen ka dibna ay Carareen.
Ciidanka Ammaanka ee degmada Wajeer ayaa heegan Buuxa la geeliyay , Sidoo kale Al-Shabaab ayaa burbur xoogan ku geystay Anteenooyin ay leedahay shirka Isgaarsiinta Safaricom ee dalka Kenya.
Inta badan Dalka Kenya ayaa waxaa ka dhaca weeraro qorsheysan oo mas’uuliyadoodu ay dhabarka u ritaan Xarakada Al Shabaab.
