Xarunta Golaha Shacabka ayaa maanta waxaa lagu qabtay doorashada kursi ka banaanaa Golaha Shacabka, kaas oo uu ka geeriyooday Alle ha u naxariistee Cismaan Cilmi Boqore oo koox ka tirsan Al-shabaab ku dileen Magaladda Muqdisho
Doorashada ayaa waxaa ku tartamay Cadnaan Cismaan Cilmi Boqore oo uu dhalay Marxuum Cismaan Cilmi Boqore iyo Axmed Cismaan Xaashi, waxaana kursiga ku guuleystay Cadnaan Cismaan Cilmi Boqore.
Guddoomiyaha Guddiga doorashooyinka Qaranka Marwo Xaliimo Ismaaciil ayaa sheegtay in Cadnaan uu helay 48 cod, halka murashaxii la tartamayay ee Axmed Cismaan Xaashi uu helay 2 cod, waxaana hallaabay hal cod, Guddiga doorashada ayaana ku dhawaaqay in kursiga Xildhibaannimo uu ku guuleystay Cadnaan Cismaan Cilmi Boqore.
Cadnaan ayaa waxa uu beddeli doonaa Allaha u naxariistee aabbihiis Cismaan Cilmi Boqorre oo 23kii Bishii Febaraayo Sanadkan 2019 Alshabaab ay ku dileen Muqdisho.
