Bahda Waxbarashada Degmada Cabudwaaq ee gobolka Galgaduud ayaa maanta dhigay banaanbax weyn oo ay uga soo horjeeday dil loo geystay macalin ka shaqeynayey iskoolada Magaalada, macalinkaan oo la dilay habeen hore ayaa lagu magacaabaa Macalin Khadar Maxamed Axmed.
Macalinkaan oo ka soo jeeda Magaalada Boorame ee gobolka Awdal waqooyiga Soomaaliya ayaa habeen hore waxaa dilay nin hubeysan oo kasoo jeeda degmada Cabudwaaq, waxaan bahda waxbarashada dalbadeen in cadaalada la horkeeno ninkii dilkaas foosha xun geystay.
Magaalada Cabudwaaq ayaa noqotay kawaanka waxgaradka deegaanka, waxaana dhibaatada ugu badan ka jirtaa in aysan jirin maamul si buuxda gacanta uga haya magaalada, sanadihii ugu dambeeyey ayaa waxaa magaalada Cabudwaaq lagu dilay dad waxgal u ah bulshada.
Comments are closed.