in kabadan 400 Askari oo boolis ah ayaa maanta tababar loogu soo xiray dugsiga tababarka booliska Cadaado, waxaana munaasabadan ka qeyb galay Madaxweynaha Dowlad goboleedka Galmudug Mudane C/kariim Xuseen Guuleed, Madaxweyne ku xigeenka Galmudug Mudane Maxamed Xaashi, Gudoomiyaha Baarlamaanka Galmudug Mudane Cali Gacal, Taliyaha Booliska Soomaaliyeed S/Gaas Maxamed Sh. Xasan Xaamud, Taliyaha Booliska Galmudug G/sare C/casiis Yuusuf Aadan Dhagabadan, wasiiro, xildhibaano, saraakiil ciidan iyo marti sharaf kale.
Madaxweyne Guuleed ayaa salaan sharaf ka qaatay in kabadan 400 Askari oo maanta tababarka dhameysatay, Â saraakiisha qaar ayaa la gudoonsiiyey bilado, waxaana ciidamadan oo ay wehliyaan kooxda bambeyda dhoola tus ku sameeyeen wadooyinka Magaalada Cadaado.
Dadweynaha ayaa tubnaa wadooyinka magaalada iyagoo u riyaaqay gaada ka ciyaarka ciidamada, waxaana ka muuqatay hanaan dowladnimo, Taliyaha Booliska Soomaaliyeed S/Gaas  Xaamud ayay ammaan u jeediyeen Madaxda iyo shacabka Galmudug.
Ciidamadan ayaa muddo saddex bilood ah tababar ku jiray, waxaana ka kala yimaadeen degmooyinka Galmudug, Waxaana ciidanka mushaarkooda bixinaya Booliska Soomaaliyeed.
Comments are closed.