Xaafado ka tirsan Degmada Dharkenley ee Gobolka banaadir,ayaa habeenkii labaad waxaa laga sameeyay howlgallo amniga lagu Xaqiijinayo.
Ciidamo ka tirsan Booliska Soomaaliya ayaa howlgalka ka sameeyay xaafado dhowr ah oo ku yaalla Degmada Dharkenley,waxa ayna Howlgalka ay ku baarayeen Gadiidka kala duwan ee ka shaqeeya Degmada dharkenley iyo Degmooyinka kale ee Gobolka Banaadir,waxa ayna sidoo kale Ciidamadu ay baaritaano ku sameyeen guryo ku yaalla Degmadaasi.
Ilo wareedyo ka mid ah Dadka deegaanka ayaa inoo sheegay in howlgalka inta uu socday lagu soo qabtay dhalinyaro badan,isla markaana laiskugu geeyay halka goob,iyadoona qaarkood baaritaano kadib ay Ciidamadu siidayeen,halka kuwa kale ay Saldhigyada u ka xeesteen si baaritaano dheeraad ah ugu sameyeen.
Wali faah faahin intaas ka badan lagama hayo howlgalka ay Ciidamadu xalay ka sameyeen Dharkenley,walina laamaha amniga kama aysan warbixin howlgalkani.
Waa habeenkii labaad oo Howlgalka ay Ciidamo ka tirsan Booliska Soomaaliya ay ka sameyaan Xaafado ka tirsan Degmada Dharkenley ee Gobolka banaadir.
