Qarax gaari lagu xiray ayaa maanta ka dhacay albaabka hore Hotel Mubaarak oo ku yaala wadada Makka Almukarama magaalada Muqdisho.
Gaariga qarxay ayaa ahaa Surf nuuca dambe, waxaana iska lahaa Taliyaha Nabadsugidda iyo sirdoonka Qaranka Qeybta Galmudug Cabdi Maxamuud Jaamac (Cabdi Dheere).
Taliyaha oo gaariga ku baakimay hotelka hortiisa, ayaa markii uu gaariga kusoo laabtay baaray, isagoo dareemay in qarax ku xiran ayaa ka fogaaday, gaariga ayaa daqiiqo kadib qarxay, waxaa ka badbaaday Taliyaha qarax la damacsanaa in lagu khaarajiyo, iyo dadkii ka ag dhawaa goobta.
Qaraxa gaarigan ayaa saameeyey 2 gaari oo goobta yaalay, waxaana dhammaan saddexdii ku basbeeleen goobta.
Kooxda dabdamiska oo goobta soo gaaray goor dambe ayaa baqtiiyey dabka ka baxayey gawaaridan oo halis geliyey dhismaha Hotel Mubaarak.
Kooxaha Qaraxyada gaadiidka ku xira ayaa ka faa’iideysta dayaca ay sameeyaan dadka gaadiidka leh.
https://m.facebook.com/story.php?story_fbid=2284416158286255&id=886906464703905
