Ciidamada Maraykan ah oo ay wehliyaan ciidamo Soomaali ah ayaa saaka xasuuq ka geystay beer ku taal deegaanka Bariire gobolka Shabeelada Hoose. Weerarkan ayaa dhacay aroortii hore saaka, waxaana dadkan oo rayid ah beertoodu ku laayey ciidamo Maraykan ah, ciidanka dowladda Soomaaliya iyo kuwa ajnabi ah ayaa todobaadkii hore Alshabaab kala wareegay deegaanka Bariire.
Dadkan oo isug jiray Milkiiliyaasha beerta iyo shaqaale ayaa meykooda maanta la keenay isbitaalka Madiina Magaalada Muqdisho, waxaana goobta soo buux dhaafiyey ehelada dadkaan la xasuuqay.
Madaxweynaha Soomaaliya ayaa dhowr jeer horey u sheegay inuu amray weerarada ay fuliyaan ciidamada shisheeye ee duqeymaha ka geysta dalkeena Soomaaliya, Dhawaan ayaa Madaxweynaha Maraykanka Donald Trump sheegay in ciidamadooda aan lagu maxkamadeyn karin duqeymaha ay ka geystaan dalalka dibadda. arintaan ayaa u baahan baaritaan, iyadoo sidaan kale dhawaan qoys dhan 5 qofood lagu xasuuqay duqeyn ciidamo ajnabi ah ka geystay degmada Jilib gobolka Jubbada Hoose.
