Madaxweynaha Dowlad goboleedka Galmudug C/kariin Guuleed ayaa goordhow gaaray Magaalada Cadaado xarunta kumeelgaarka ah ee Galmudug, waxaana garoonka diyaaradaha ku soo dhaweeyey Madaxweyne ku xigeenka Galmudug Maxamed Xaashi, Senator Abshir Bukhaari, Wasiiro, xildhibaano, Saraakiil ciidan, Maamulka degmada Cadaado, iyo Bulshada rayidka.
Guuleed ayaa maalmahaan ku sugnaa Magaalada Muqdisho, halkaas oo u joogay arimo siyaasadeed, Mr. Guuleed ayaa wajahaya loolan siyaasadeed uga imaanaya xildhibaanada Galmudug, waana loolankii ugu adkaa, waxaana indhaha lagu hayaa sida uu xal ugu helo arintaan.
Dhanka kale Banaanbax kooban ayaa maanta ka dhacay Magaalada Cadaado, kaas oo lagu taageerayey xil ka qaadistii ay xildhibaanadu ku sameeyeen Madaxweyne Guuleed.