Ciidanka Nabad suggidda iyo sirdoonka Qaranka ayaa gacanta ku dhigay gaari noociisu yahay CARIB kaa soo lagu soo xiray Qarax, islamarkaana la soo dhigay Iskuulka Xaawo Taako ee Dagmada Xamarweyne Hortiisa Una dhaw Saldhiga Afar-irdood .
Ciidamada ay ku guuleestay fur-furidda Qarixii laga soo buuxiyay gaarigaas ,Kaa soo oo aan la ogeyn halka uu ku wajahnaa, mana ahan markii ugu horeysay ee ciidanku qabtaan gaari qarax ku xiran yahay oo meel la dhigo.
Ururka Alshabaab ayaa kordhiyey weerarada ay ku qaadaan goobaha Bulshadu isugu timaado iyo xarumaha dowladda, iyadoo oo uu ugu dambeeyey weerarkii lagu qaaday Banaadir Beach, halkaas oo ay ku nafwaayeen dadka 10 kor u dhaafaya.
Dadka Soomaaliyeed ayaa is weydiinaya sidee gawaaridan ku dhaafaan baraha kontorool ee magaalada laga ilaaliyo, waxaana shaki laga muujinayaa in saraakiil dowladda ahi lug ku leeyihiin arimaha gudbinta gawaaridan.
Comments are closed.