Waxaa goordhow ka furmay magaalada Muqdisho shir heer sare ah oo looga hadlayo gurmadka abaarta dalka ka jirta, shirkan ayaa waxaa daahfuray Madaxweynaha Jamhuuriyadda Soomaaliya Mudane Maxamed Cabdullaahi Farmaajo.
Shirkan oo hal maalin ah ayaa waxaa ka qeybgalaya Ra’iisulwasaare ku xigeenka dalka Maxamed Cumar Carte, Wasiirka Arimaha Gudaha iyo Federaalka C/raxmaan Odawaa, Wasiirka Amniga, wasiirka Qorsheynta, iyo Madaxda maamul goboleedyada Galmudug, Puntland, Koofur Galbeed, Hirshabeelle, Jubbaland iyo gobolka Benaadir.
Waxaa khudbad heerka abaarta iyo saameynteeda ka soo jeedin doona Guddoomiyaha Guddiga qaran ee gurmadka abaaraha mudane Maxamed Cumar carte
Waxa sidoo kale joogaa Hey’adaha Gargaarka iyo deeq bixiyaal badan. Waxaa lagu yaboohi doonaa dhaqaalo badan oo loogu gurman doono Dalaka.
